ՀՀ ՏԿԵՆ

Պետական գույքի կառավարման կոմիտե

ԹԵԺ ԳԻԾ

+374 (11) 523536


Նորությունների արխիվ

Վերջին նորություններ

16/09/2019

Բնակչության սոցիալական խնդիրների լուծման ոլորտում՝ հանրակացարանային տարածքների նվիրատվության ճանապարհով ՀՀ... Կարդալ ավելին

13/09/2019

Շենքերի և շինությունների տանիքներին ու ձեղնահարկերում կապի սարքավորումների տեղակայման և սպասարկման  նպատակով... Կարդալ ավելին

09/09/2019

Ազդարարվել է «ProfEye Challenge» նախագծի մեկնարկը, որի շրջանակներում Երևան քաղաքի կոլորիտային շենքերից մեկը՝ Մամուլի... Կարդալ ավելին

Հանդիպում իսպանական «Սֆերա» ընկերության ներկայացուցիչների հետ

02/09/2019 Նորություններ

Պետական գույքի կառավարման կոմիտեի նախագահ Նարեկ Բաբայանն ու կոմիտեի նախագահի տեղակալ Վարդան Կոստանյանը այսօր հանդիպել են իսպանական  «Սֆերա» ընկերության բժշկական տնօրեն Ռաֆայել Գոթցենսի և համահիմնադիր Կառլոս Մալեթի հետ։ Ընկերությունը գործունեություն է ծավալում Ամերիկայում, Եվրոպայում, Ռուսաստանում ու Աֆրիկայում և շարունակում է ընդլայնել իր բժշկական ցանցը` հաճախորդներին լավագույն բժշկական ծառայություններ մատուցելու հիմնական նպատակով: Առողջապահության ոլորտում կառավարման և համակարգման խորը գիտելիքների շնորհիվ, ընկերությունը մշակել և կյանքի է կոչում բժշկական ցանցի և առողջապահական ծառայությունների մատուցման բարելավման նորարարական տեխնոլոգիաներ՝ նպատակ ունենալով հաղթահարելու միջազգային առողջապահության և տեղական կարիքների միջև առկա խոչընդոտը:

Կոմիտեի նախագահ Նարեկ Բաբայանը, ողջունելով հյուրերին Հայաստանում, ներկայացրել է ՀՀ կառավարության կողմից իրականացվող բարեփոխումները և օտարերկրյա ներդրումների համար բարենպաստ միջավայր ստեղծելու ուղղությամբ ձեռնարկվող քայլերը։ Նա ընդգծել է, որ Պետական գույքի կառավարման կոմիտեն իր իրավասությունների շրջանակներում պատրաստ է աջակցություն ցուցաբերել իսպանական ընկերությանը՝ ՀՀ-ում հնարավոր ներդրումային ծրագրեր իրականացնելու հարցում։ Ռաֆայել Գոթցենսը  ներկայացրել է «Սֆերա»-ի ընթացիկ գործունեությունը, նշել է, որ  ընկերությունը մշակում և իրականացնում է առողջապահական լուծումներ կառավարությունների, ապահովագրական ընկերությունների, ձեռնարկությունների, բանկերի, կազմակերպությունների և հաստատությունների համար` հարմարվելով շուկայի հատուկ առողջապահական կարիքներին:

Հանդիպման ընթացքում պայմանավորվածություն է ձեռք բերվել հաջորդ օրը այցելել պետական գույքի մասնավորեցման 2017-2020թթ. ծրագրում ընդգրկված՝ «Կուրորտաբանության և ֆիզիկական բժշկության գիտահետազոտական ինստիտուտ» ՓԲԸ-ն և «Ռադիոիզոտոպների արտադրության կենտրոն» ՓԲԸ-ն։