Պետական գույքի կառավարման կոմիտե
2019 թվականի առաջին կիսամյակի ընթացքում Կոմիտեի կողմից մշակվել և շրջանառության մեջ են դրվել պետական գույքի տնօրինման վերաբերյալ ՀՀ կառավարության 36 որոշման նախագիծ։
Պետական ոչ առևտրային կազմակերպություններին ամրացված գույքի աճուրդով վարձակալության տրամադրման նպատակով Կոմիտե է ներկայացվել 262 հայտ, որոնց հիման վրա կազմակերպված աճուրդներից 72-ը կայացել է, 22 աճուրդ չի կայացել, 31-ն ընթացքում է, 82 հայտ մերժվել է, ներկայացված 55 հայտերի համաձայն նախկին վարձակալների հետ կնքվել են համապատասխան պայմանագրեր։
Հաշվետու ժամանակահատվածում 244 միավոր անշարժ գույքի նկատմամբ իրականացվել է պետության սեփականության իրավունքի պետական գրանցում՝ այդ թվում ուղղվել է 85 միավոր անշարժ գույքի իրավունքի պետական գրանցման վկայական:
2019 թվականի առաջին կիսամյակի ընթացքում «Գույքի նկատմամբ իրավունքների պետական գրանցման մասին» ՀՀ օրենքով պահանջվող շենք-շինությունների հատակագծերի կազմման նպատակով Պետական գույքի կառավարման կոմիտեն լիցենզավորված կազմակերպությանը պատվիրել և իրականացրել է 29.000 քառ. մետր մակերեսով շենք-շինությունների և 4.847944 հա հողամասի չափագրում:
2019 թվականի առաջին կիսամյակի ընթացքում Կոմիտեում ստեղծված գույքի հանձնման-ընդունման հանձնաժողովի կողմից Կոմիտեի հաշվեկշիռ է ընդունվել 579 միավոր անշարժ և շարժական գույք, որից 85-ը հանդիսանում է անշարժ գույք, 69-ը՝ շարժական գույք, 37՝ տրանսպորտային միջոց, 388-ը՝ լուծարումից հետո մնացած գույք։