Պետական գույքի կառավարման կոմիտե
«Պետական գույքի գույքագրման և գնահատման գործակալություն» ՊՈԱԿ-ի՝ Մերձավանում գտնվող շարժական գույքի պահառության կենտրոնում վերջին ամիսներին բարեկարգման ակտիվ աշխատանքներ են ընթանում: Նախկինում չօգտագործող տարածքը շուրջ երեք տարի առաջ հատկացվել էր գործակալությանը՝ աճուրդով վաճառքի ենթակա պետական ավտոմեքենաների պահառության համար:
ՊՈԱԿԻ աշխատակազմը շաբաթօրյակների միջոցով նախ վերականգնել է ճակատային մասի մոտ 40 գծամետր փլուզված պարիսպը, մաքրել շրջակայքը շինարարական ու կենցաղային աղբից: Ներկվել է նաև մուտքի մետաղական դարպասը, տարածքի ճակատային մասն ավելի կոկիկ ու ներկայանալի է դարձել:
Իսկ այսօր՝ նոյեմբերի 19-ին, բարեկարգ տարածքում ծառատունկ է արվել, որին մասնակցել են նաև Պետական գույքի կառավարման կոմիտեի նախագահ Նարեկ Բաբայանը, այլ ներկայացուցիչներ: Տնկիները 130-ն են՝ մրգատու և դեկորատիվ ծառեր, տասնյակ դեկորատիվ թփեր:
