Պետական գույքի կառավարման կոմիտե

ԹԵԺ ԳԻԾ

+374 (11) 523536


Նորությունների արխիվ

Վերջին նորություններ

01/12/2022

Դեկտեմբերի 1-ին ՀՀ ՏԿԵՆ պետական գույքի կառավարման կոմիտեում տեղի է ունեցել աշխատանքային խորհրդակցություն՝ կոմիտեի... Կարդալ ավելին

01/12/2022

Կարեն Դեմիրճյանի անվան մարզահամերգային համալիրում ընթանում են շինարարական աշխատանքներ ...

30/11/2022

Նոյեմբերի 30-ին ՀՀ Ազգային ժողովի Տարածքային կառավարման, տեղական ինքնակառավարման, գյուղատնտեսության և շրջակա... Կարդալ ավելին

Գործակարգավարական նիստ՝ Պետական գույքի կառավարման կոմիտեում

10/11/2022 Նորություններ

Նոյեմբերի 10-ին ՀՀ ՏԿԵՆ պետական գույքի կառավարման կոմիտեում Առնակ Ավետիսյանի գլխավորությամբ տեղի է ունեցել գործակարգավարական նիստ, որին մասնակցել են կոմիտեի ստորաբաժանումների ղեկավարները, «Կարեն Դեմիրճյանի անվան մարզահամերգային համալիր» ՊՈԱԿ-ի տնօրենը և «Գույքի գնահատման և աճուրդի կենտրոն» ՊՈԱԿ-ի տնօրենի նորանշանակ տեղակալը։

Նախքան օրակարգային հարցերին անդրադառնալը՝ Ա. Ավետիսյանը շնորհավորել է Ա. Առաքելյանին «Գույքի գնահատման և աճուրդի կենտրոն» ՊՈԱԿ-ի տնօրենի տեղակալ նշանակվելու կապակցությամբ։

Նիստի ընթացքում ամփոփվել են տրված հանձնարարականների կատարման արդյունքները, քննարկվել են օրակարգային մի շարք հարցեր։ Մասնավորապես, ներկայացվել է շաբաթվա ընթացքում կոմիտեի հաշվեկշիռ ընդունված գույքերի վերաբերյալ տեղեկատվություն, քննարկվել են դրանց հետագա տնօրինմանն առնչվող հարցեր։ Ամփոփվել են նաև նախորդող օրերին քաղաքացիներից ստացված դիմումները, ներկայացվել է տեղեկատվություն նախկին դիմումների ընթացքի մասին։

Անդրադարձ է կատարվել կոմիտեի նախաձեռնած օրենսդրական փոփոխություններին և որոշման նախագծերին։ Այդ համատեքստում խոսվել է պետական մի քանի հաստատությունների վարձակալած տարածքները պետական սեփականություն հանդիսացող տարածքներով փոխարինելուն վերաբերող որոշման նախագծերի ու դրանց ընթացքի մասին։

«Գույքի գնահատման և աճուրդի կենտրոն» ՊՈԱԿ-ի տնօրենի տեղակալը ներկայացրել է տվյալներ պահառության վայրում գտնվող մեքենաների գնահատման վերաբերյալ։ Նշվել է, որ կոմիտեի հաշվեկշռում գտնվող ևս հինգ տասնյակ մեքենաների գնահատման հաշվետվությունները պատրաստ կլինեն առաջիկա օրերին։ Ա. Ավետիսյանը հանձնարարել է հնարավորինս սեղմ ժամկետում կազմակերպել դրանց` աճուրդային եղանակով օտարման հայտարարությունները։  

«Կարեն Դեմիրճյանի անվան մարզահամերգային համալիր» ՊՈԱԿ-ի տնօրեն Կ. Ղազարյանը ներկայացրել է մանրամասներ նախորդիվ տրված հանձնարարականների կատարման ընթացքի մասին։ Դրանք վերաբերել են համալիրի արտաքին լուսավորության համակարգին, ինչպես նաև ՄՀՀ-ի աստիճաններին հարող տարածքում արգելափակոց տեղադրելուն։ Ա. Ավետիսյանը կարևորել է այդ ուղղությամբ կատարվող աշխատանքները՝ նշելով, որ համալիրի աստիճանամերձ հատվածները պետք է վերջնականապես ազատվեն իբրև ավտոկայանատեղի ծառայելուց։

Խորհրդակցության ավարտին տրվել են նոր հանձնարարականներ և սահմանվել դրանց կատարման վերջնաժամկետները։