Պետական գույքի կառավարման կոմիտե
Օգոստոսի 5-ին ՀՀ ՏԿԵՆ պետական գույքի կառավարման կոմիտեում տեղի է ունեցել «Երևանի ոսկերչական գործարան» ԲԲԸ-ի տնօրենների խորհրդի նիստը։ Նախքան օրակարգային հարցերին անդրադառնալը կայացել է խորհրդի նախագահի ընտրություն, և միաձայն ընտրվել է կոմիտեի նախագահի տեղակալ Գևորգ Բաբայանը։
Նիստի ընթացքում հանգամանալից քննարկվել են օրակարգում ընդգրկված հարցերը, որոնք վերաբերել են ընկերության հաշվեկշռում գտնվող, ընկերության գործունեությանը չմասնակցող անշարժ գույքի շուկայական արժեքի որոշմանը և դրա վաճառքին։ Քննարկվել են նաև ընթացիկ այլ հարցեր։
«Երևանի ոսկերչական գործարան» ԲԲԸ-ն ընդգրկված է «Պետական գույքի մասնավորեցման 2017-2020 թվականների ծրագրի մասին» ՀՀ օրենքի ցանկում:
Ընկերության 80% պետական սեփականություն հանդիսացող բաժնետոմսերի կառավարման լիազորությունները դեռևս 2015 թ. փոխանցվել են ՀՀ կառավարությանն առընթեր պետական գույքի կառավարման վարչությանը: Ընկերության 20 % ոչ պետական բաժնեմասը շուրջ 1450 բաժնետերերի սեփականությունն է:
