Աշխատանքային շաբաթը մեկնարկել է գործակարգավարական նիստով

Հուլիսի 25-ին ՀՀ ՏԿԵՆ պետական գույքի կառավարման կոմիտեում տեղի է ունեցել հերթական գործակարգավարական նիստը, որը վարել է կոմիտեի նախագահ Առնակ Ավետիսյանը։

Նիստի սկզբում ներկայացվել են տրված հանձնարարականների կատարման արդյունքները։ Այնուհետև ստորաբաժանումների ղեկավարները ներկայացրել են նախորդիվ կատարած աշխատանքների հաշվետվություն-զեկույցները։

Գործակարգավարական նիստի ընթացքում ներկայացվել է պետական մարմինների կողմից վարձակալած տարածքների վերաբերյալ հավաքագրված տեղեկատվությունը, եղել են առաջարկություններ, տրվել են նոր հանձնարարականներ։

Հանգամանալից քննարկվել են նաև պետական մի քանի մարմինների նոր տարածքներ տեղափոխելու գործընթացներին, ինչպես նաև կոմիտեի նախաձեռնած օրենսդրական փոփոխություններին վերաբերող հարցեր։