Պետական գույքի կառավարման կոմիտեում տեղի են ունեցել ՓԲԸ-ների տարեկան ժողովներ

Հունիսի 29-ին ՀՀ ՏԿԵՆ պետական գույքի կառավարման կոմիտեում տեղի են ունեցել «Գալակտիկա» և «Ծաղկաձորի գլխավոր մարզահամալիր» ՓԲԸ-ների տարեկան ժողովները, որոնք վարել է կոմիտեի նախագահի տեղակալ Գևորգ Բաբայանը։

«Գալակտիկա» ՓԲԸ-ի 80 տոկոս պետական սեփականություն հանդիսացող թվով 4 բաժնետոմսերը արժեթղթերի հաշվառման և հաշվարկային միասնական համակարգում 2020 թ. գրանցվել է Պետական գույքի կառավարման կոմիտեի անունով։ Տարեկան ժողովի ընթացքում քննարկվել է ընկերության 2021 թ. տարեկան հաշվետվությունը, որն ընդունվել է ի գիտություն։ Քննարկվել են նաև ընթացիկ այլ հարցեր, տրվել հանձնարարականներ։

«Պետական գույքի մասնավորեցման 2017-2020 թվականների ծրագրի մասին» ՀՀ օրենքի ցանկում ընդգրկված «Ծաղկաձորի գլխավոր մարզահամալիր» ՓԲԸ-ի 100 տոկոս պետական սեփականություն հանդիսացող բաժնետոմսերը ՀՀ սպորտի և երիտասարդության հարցերի նախարարության կողմից 2018 թ. հանձնվել են Պետական գույքի կառավարման կոմիտեին։ Ընկերության տարեկան ժողովի ժամանակ քննարկվել և հաստատվել է 2021 թ. տարեկան հաշվետվությունը։ Անդրադարձ է կատարվել ընկերության մասնավորեցման նախապատրաստական աշխատանքներին։