Պետական գույքի կառավարման կոմիտե

ԹԵԺ ԳԻԾ

+374 (11) 523536


Նորությունների արխիվ

Վերջին նորություններ

30/06/2022

Հունիսի 30-ին ՀՀ ՏԿԵՆ պետական գույքի կառավարման կոմիտեում տեղի է ունեցել նախ «Ավտոմատիկա», այնուհետև՝ «Վնասվածքաբանության... Կարդալ ավելին

29/06/2022

Հունիսի 29-ին ՀՀ ՏԿԵՆ պետական գույքի կառավարման կոմիտեում տեղի են ունեցել «Գալակտիկա» և «Ծաղկաձորի գլխավոր մարզահամալիր»... Կարդալ ավելին

27/06/2022

Հունիսի 27-ին ՀՀ ՏԿԵն պետական գույքի կառավարման կոմիտեում Առնակ Ավետիսյանի նախագահությամբ տեղի է ունեցել «Երևանի... Կարդալ ավելին

Առնակ Ավետիսյանը ՀՀ ԱԺ հանձնաժողովի նիստում ներկայացրել է պետական գույքի մասնավորեցման ծրագրի կատարման 2021 թ. տարեկան հաշվետվությունը

10/06/2022 Նորություններ

ՀՀ ՏԿԵՆ պետական գույքի կառավարման կոմիտեի նախագահ Առնակ Ավետիսյանը Ազգային ժողովի տնտեսական հարցերի մշտական հանձնաժողովի հունիսի 10-ի նիստում ներկայացրել է «Պետական գույքի մասնավորեցման 2017-2020 թվականների ծրագրի կատարման 2021 թվականի տարեկան հաշվետվությունը հաստատելու մասին» օրենքի նախագիծը։  

Հաշվետվությունն ընդգրկում է 2021 թ. օրացուցային տարվա ընթացքում իրականացրած մասնավորեցման եւ լուծարման գործարքների, մասնավորեցումից ստացված բյուջետային մուտքերի մասին տեղեկությունները և դրա արդյունքները` ըստ առանձին ընկերություններում կատարված ներդրումների։                                                                                                      

Հաշվետու ժամանակաշրջանում դասական աճուրդով մասնավորեցվել են 2, ուղղակի վաճառքի ձևով՝ 1 ընկերության պետական սեփականություն հանդիսացող բաժնետոմսեր։ Մասնավորեցումից ստացված միջոցները կազմել են 407 մլն 547 հազար դրամ, որը ներառում է նաև նախորդ տարիներին մասնավորեցված ընկերությունների տարաժամկետ վճարած մուտքերը։ Դրանից ՀՀ պետական բյուջե մուտքագրվել է 294 մլն 565 հազար դրամ, համայնքների բյուջեներ՝ 112 մլն 981 հազար դրամ։

Լուծարման գործընթացի և մարված պարտավորությունների արդյունքում մարվել է շուրջ 4 մլն 152 հազար դրամ կրեդիտորական պարտք, որից ՀՀ պետական բյուջե մուտքագրվել է 1 մլն 11 հազար դրամ, համայնքային բյուջե՝ 60 հազար դրամ, աշխատավարձի գծով՝ 2 մլն 586 հազար դրամ, այլ կրեդիտորական պարտքի գծով՝ 495 հազար դրամ։                                                                                               

Նշված ժամանակահատվածում ծրագրում կատարվել է լրացում. մասնավորեցման  ծրագրի ցանկում ընդգրկվել է «Հատուկ լեռնափրկարար ծառայություն» ՓԲԸ-ն՝ ըստ համապատասխան օրենքի։